Məleykə Abbaszadə yeni təhsil nazirindən danışdı

TQDK sədri Məleykə Abbaszadə yeni təhsil naziri ilə birlikdə ölkə ölkə təhsilinə töhvə verəcəklərini bildirib.

2013-05-07 14:59:09

 Yeni təhsil nazirinə uğurlar arzulayan Məleykə Abbaszadə birgə fəaliyyətləri nəticəsində ölkə təhsilinə töhfə verəcəklərinə ümid etdiyini söyləyib: "Bu sahədə yeni təhsil nazirinin fəaliyyəti uğurlu olacaq. Bizim hər gün müəyyən telefon danışıqlarımız olur, məsələlər müzakirə olunur. Çünki hansısa həll edilməmiş məsələlər varsa, onlar öz həllini tapmalıdır".

"Biz yeni təhsil naziri Mikayıl Cabbarovla açıq şəkildə müzakirələr aparırıq. İşgüzar münasibətlər qurulub və normal fəaliyyət göstəririk". Trend-in məlumatına görə, bunu Tələbə Qəbulu üzrə Dövlət Komissiyasının sədri Məleykə Abbaszadə Mikayıl Cabbarovun yeni təhsil naziri vəzifəsinə təyinatından sonra iki qurum arasında olan münaibətlərin hansı formada inkişaf etdiriləcəyi ilə bağlı suala cavab verərkən deyib.