2013-cü ilin sonuna kimi Bakı şəhərinin qazla təchizatı 100 faizə çatacaq

2013-cü ilin sonunadək ARDNŞ-nin (Azərbaycan Respublikası Dövlət Neft Şirkəti) "Azəriqaz" İstehsalat Birliyi Bakı şəhərinin qazla təchizatı səviyyəsini 100 faizə çatdırmağı planlaşdırır. Trend-in məlumatına görə, bu barədə İB-nin direktor müavini Aydın Amanov cümə axşamı mətbuat konfransında deyib.

"2011-2012-ci ilin qış mövsümündə, xüsusilə soyuq günlərdə qazın verilməsi əvvəlki illərlə müqayisədə xeyli artıb", - Amanov deyib.

Habelə, Amanovun sözlərinə görə, "Azəriqaz" Bakının və eləcə də bütün respublikanın qaz təchizatının keyfiyyətinin yaxşılaşdırılması üzrə işlər görür.

Qazın verilməsində, eləcə də paytaxtda yaranan lokal problemlər qazpaylayıcı sistemin köhnəlməsi ilə əlaqədardır.

Qeyd edək ki, hazırda Bakıda abonentlərin sayı 650 min nəfər təşkil edir.