Suriyalı general-mayor müxalifətə qatıldı

Suriyalı general-mayor Fayiz Kaddur bu gün YOUTUBE - də verdiyi açıqlamada rəsmi olaraq dövlət ordusundan ayrılaraq , müxalifətə keçdiyini və b undan sonra Azad Suriya ordusu ilə birlikdə Bəşşar əsəd rejiminə qarşı vuruşacağını bildirib.
Ötən ilin martından etibarən Suriyada hökumət əleyhinə etiraz aksiyaları davam edir. Hər gün həm dinc sakinlər, həm də güc strukturlarının əməkdaşları arasında ölüm halları haqqında məlumatlar daxil olur.
BMT-nin məlumatına görə, həlak olanların sayı 5 min nəfəri ötüb. Suriya hakimiyyəti isə hər iki tərəfdən 2,5 mindən artıq insanın, o cümlədən 1,1 min nəfərdən çox güc strukturları əməkdaşlarının həlak olduğunu bəyan edir