İsrailin baş nazir müavini İranı ittiham edib

İsrailin baş nazir müavini Silvan Şalom İranı fars imperiyasını bərpa etmək siyasəti yürütməkdə ittiham edib. Onun sözlərinə görə, İranın regionda bütün neft yataqlarına nəzarət etmək niyyəti də məhz bundan xəbər verir. ABŞ-ın Nyu-York şəhərində BMT-nin baş katibi Ban Ki Mun ilə görüşüşndən sonra jurnalistlərə müsahibə verən Şalom İranın süper gücə çevrilmək niyyətinin olduğunu qeyd edib.

"İran, ümumiyyətlə, Yaxın Şərqdə rejimi dəyişmək və nüvə silahına malik olan bir ölkə kimi regionda süper gücə çevrilmək istəyir. Onlar bu cür siyasətlə bütün dünyada öz ideologiyalarını diktə edə biləcəklərini güman edirlər. Onlar yanılırlar. Fələstin məsələsinə gəlincə isə, bildirmək istəyirəm ki, İsrail tərkibində onu məhv etmək istəyən qüvvələr olan bir hökumətlə heç vaxt dialoq qurmaycaq" - deyə Şalom qeyd edib.

ANSPRESS