Suriyada növbəti qarşıdurma: 66 ölü

Suriyada zorakılıq davam edir. Suriyada İnsan Haqları Monitorinq qrupunun London mərkəzinə istinadən verdiyi məlumata görə, ötən gün etirazçılarla təhlükəsizlik qüvvələri arasında baş vermiş toqquşmalarda 66 nəfər öldürülüb. Ölənlər arasında 26 nəfər dinc sakin, 10 nəfər ordunun tərk etmiş əsgər və 5 hüquq-mühafizə orqanlarının işçisi olub.

Suriya hərbi qüvvələri paytaxt Dəməşqin qərbin əyalətlərində hökümət əlyhidarlarına qarşı ciddi əməliyyatlara başlayıb. Əməliyyatlarda ağır zirehli texnikadan istifadə edildiyi bildirilir. Məlumata görə, ordunu tərk etmiş əsgərlərə qarşı xüsusi postlar yaradılıb.

Qeyd edək ki, artıq Suriyada 10 aydır ki, hökümət əleyhinə etirazlar keçirilir. Və hər gün toqquşmalarda onlarla insanın öldürülüyü xəbəri yayılır. BMT-nin məlumatına görə, indiyə qədər iğtişaşlarda 5000-dən çox insan öldürülüb.