Qurban bayramının tarixi açıqlandı

Gün.Az-ın verdiyi xəbərə görə, bu barədə jurnalistlərə açıqlamasında Qafqaz Müsəlmanları İdarəsinin (QMİ) sədr müavini Hacı Sabir Həsənli bildirib.

Hacı Sabir Həsənli qeyd edib ki, bu il Qurban bayramı noyabrın 6-da qeyd olunacaq, Həcc karvanları oktyabr ayının 25-26-dan yola düşəcəklər.

“Hər il olduğu kimi, bu il də 2 min nəfərin yola düşməsi gözlənilir. Onlardan 1300 nəfərə yaxını 41-42 avtobusla yola düşəcək”.

QMİ rəsmisi vurğulayıb ki, İraqda da bəzi hadisələrin yaşanmasına baxmayaraq, İraq hökuməti zəvvarların təhlükəsizliyininə zamin durur və İran-İraq sərhəddindən İraq-Səudiyyə Ərəbistanı sərhəddinə qədər karvanlar mühafizə dəstələri tərəfindən müşayiət olunur. Lakin Suriya tərəfdən eyni addımı gözləməyə dəyməz. Biz də, təbii ki, 1300-ə qədər zəvvarımızı təhlükə altında qoya bilmərik”.

S.Həsənlinin sözlərinə görə, digər qaydalara dəyişiklik olunmayacaq.